١
٢٨ سبتمبر
٨:٣٠ – ١٠:٠٠ مساءً
اللقاء الأول: «خريطة الجهوزية» — هل طفلي جاهز فعلاً؟
في هذا اللقاء، رح ننتقل من فكرة: «صار عمره، لازم نبدأ» إلى قراءة واعية لجهوزية طفلكِ.
لأننا ما بدنا نستعجل ونبدأ قبل ما يكون مستعد، فنحوّل السيرورة لضغط ومقاومة. وبنفس الوقت، ما بدنا نظل ننتظر من دون ما نعرف: شو بالضبط مستنيين؟
رح نتعلّم كيف نقرأ الصورة كاملة، ونميّز اللحظة المناسبة اللي بنقدر نبدأ فيها وإحنا فاهمين طفلنا وواثقين بقرارنا.
ماذا ستتعلّمين في هذا اللقاء؟
- بوابات الجهوزية الثلاث: الجهوزية الجسدية والفيزيولوجية، الإدراكية، والعاطفية — وليش ظهور إشارات قوية في جانب واحد ما بكفّي وحده حتى نقرر إن الطفل جاهز.
- كيف تقرئين إشارات طفلكِ الحقيقية؟ شو لازم نراقب في جسمه، سلوكه وقدرته على التواصل، بدل ما نعتمد فقط على عمره، نقارنه بغيره، أو نستجيب لضغط المحيط.
- هل أنتِ جاهزة لهذه المرحلة؟ لأن السيرورة ما بتعتمد على جهوزية الطفل وحده؛ هي بحاجة كمان لحضوركِ، صبركِ وقدرتكِ على الاستمرار. رح نفحص جهوزيتكِ بصدق، لكن من دون لوم أو تقييم.
- هل هذا هو التوقيت المناسب؟ رح نفهم كيف ممكن تتأثر السيرورة بوجود تغييرات أخرى، مثل مولود جديد، دخول الحضانة، الانتقال أو السفر، وكيف نقرر إذا من الأفضل أن نبدأ، ننتظر قليلاً، أو نمهّد من الآن.
بنهاية اللقاء، رح يكون معكِ «خريطة الجهوزية» ومعايير واضحة تساعدكِ توصلي لقرار يناسب طفلكِ وعائلتكِ: نبدأ الآن؟ ننتظر قليلاً؟ أم ندعم بعض المهارات أولاً؟
